Тоҷикӣ
Русский
English
Боиси сарфарозист, ки давоми солҳои охир Агентии авиатсияи граждании назди Ҳукумати Ҷумҳурии Тоҷикистон ҷиҳати рақобатпазир намудани ин соҳа корҳои назаррасеро амалӣ намуда истодааст, ки ин пешравиҳо маҳз бо ҳидоят ва дастгириҳои бевоситаи Ҳукумати Ҷумҳурӣ, хосса Пешвои миллат муҳтарам Эмомалӣ Раҳмон иҷро мегарданд.
Яке аз масъалаҳои асосӣ ва пешбарандаи соҳаи мазкур ин таъмини бехатарии авиатсионии авиатсияи гражданӣ мебошад, ки бо ин мақсад санаи 2 июни соли ҷорӣ дар толори Агентӣ тибқи талаботҳои Қарори Ҳукумати Ҷумҳурии Тоҷикистон аз 23 ноябри соли 2019, № 582, ҷаласаи “Комиссияи байниидоравӣ оид ба таъмини бехатарии авиатсионии авиатсияи гражданӣ” бо иштироки Раиси комиссия Усмоналӣ Юнусалӣ ва муовини якуми Раиси комиссия Назарзода Ҳабибулло, роҳбарони аввали корхонаҳои авиатсионӣ, муовинони вазорату идораҳои дахлдор баргузор гардид.
Дар ҷаласаи мазкур масъалаҳои асосии пешбаранди соҳа, махсусан таъмини бехатарии авиатсионии авиатсияи гражданӣ дар фурудгоҳҳои кишвар, омодагии босифат ҷиҳати дар сатҳи баланд гузаронидани аудити Ташкилоти байналмилалии авиатсияи гражданӣ (ИКАО), бартараф намудани камбудиҳои ҷойдошта мавриди баррасӣ қарор гирифта, ба масъулин дастуру супоришҳои мушаххас дода шуданд.
Боиси зикр аст, ки ҷаласаҳои комиссияи мазкур дар як сол ду маротиба баргузор мегардад.
Аксҳо аз ҷараёни баргузории ҷаласа.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
