Тоҷикӣ
Русский
English
Санаи 24 июли соли 2024, дар маҷлисгоҳи ҶСК “Фурудгоҳи байналмилалии Душанбе” бо роҳбарии Директори Агентӣ Назарзода Ҳабибулло, инчунин, муовини аввали директори генералии КВД "Тоҷикаэронавигатсия" - Шодмонбекзода Даврон, муовини аввали директори генералии ҶСК "Тоҷик Эйр" – Эшонқулов Фирӯз , муовини якуми директори генералии ҶСК "Фурудгоҳи байналмилалии Душанбе" - Маликзода Аслиддин, директори генералии ҶДММ "Ширкати ҳавопаймоии Сомон Эйр" – Валиев Абдулқосим, кормандони Агентии авиатсияи гражданӣ ва корхонаҳои авиатсионӣ нишасти матбуотӣ доир гардид. Дар он 51 нафар намояндагони расонаҳои иттилоотии дохилӣ ва хориҷӣ, давлатӣ ва мустақил иштирок намуданд.
Бояд зикр намуд, ки вақти ҷудошуда барои нишасти матбуотӣ танҳо бо саволу ҷавоб гузашт. Суолҳои пешниҳодгардида асосан фарогири масъалаҳои ҳолати воқеии ҳамкориҳои Тоҷикистон ва Ташкилоти байналмилалии авиатсияи гражданӣ (ИКАО), сабабҳои баргардонидани шаҳрвандони Ҷумҳурии Тоҷикистон аз фурудгоҳҳои Федератсияи Россия, ташкили хатсайрҳои маҳаллӣ ҷиҳати рушди соҳаи сайёҳӣ, кушодани ширкатҳои ҳавопаймоии нав ҷиҳати рақобатпазир намудани авиатсияи гражданӣ, сабабҳои парвоз намудани шаҳрвандони ҷумҳурӣ ба воситаи Ҷумҳурии Ӯзбекистон, ташкили хатсайрҳои транзитӣ бо дастрасии технологияҳои навтарин, иҷрои парвозҳои транзитӣ тариқи фазои ҳавоии Тоҷикистон, инчунин, харидории тайёраҳои хурдҳаҷм барои парвозҳои маҳаллӣ аз ҷониби ҶДММ “Ширкати ҳавопаймоии Сомон Эйр”, қарздории ҶСК “Тоҷик Эйр”, шумораи парвозҳо ва фаъолияти КВД “Тоҷикаэронавигатсия”, ташкили хатсайрҳо ба дигар шаҳрҳои Федератсияи Россия ва чанде суолҳоро дарбар гирифта, ба онҳо аз ҷониби Директори Агентии авиатсияи гражданӣ ва роҳбарони корхонаҳои авиатсионӣ посухҳои мушаххас дода шуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
