Тоҷикӣ
Русский
English
Боиси зикр аст, ки бо дастгириҳои Ҳукумати Ҷумҳурӣ, хоссатан Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ҳамкориҳо бо бисёр мамлакатҳои пешрафтаи ҷаҳон вусъати тоза меёбанду ба рушду нумӯи соҳаи авиатсияи граждании кишвар боис мегарданд.
Дар натиҷаи сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон моҳи июли соли 2024 аз ҷониби Пешвои муаззами миллат муҳтарам Эмомалӣ Раҳмон оид ба зиёд намудани теъдоди парвозҳо байни пойтахти Тоҷикистону Чин ва кушодани хатсайрҳои нави ҳавоӣ байни дигар шаҳрҳои ду кишвар ба Агентии авиатсияи гражданӣ дастуру супоришҳои мушаххас дода шуданд.
Тибқи иҷрои дастуру супоришҳои муҳтарам Ҷаноби олӣ, бо мақсади тақвияти ҳамкорӣ дар соҳаи авиатсияи гражданӣ миёни Тоҷикистон ва Чин моҳи марти соли 2025 ҳайати Раёсати авиатсияи граждании Чин (СААС) ба Ҷумҳурии Тоҷикистон ташриф оварда буданд. Зимни ташрифи ин ҳайат вохуриҳо байни директори Агентии авиатсияи граждании назди Ҳукумати Ҷумҳурии Тоҷикистон Назарзода Ҳабибулло ва муовини якуми директори генералии Маъмурияти авиатсияи граждании Ҷумҳурии Мардумии Чин Ма Бинг, Директори тиҷоратии Ширкати ҳавопаймоии “China Southern Airlines” Ван Чжен баргузор гардида буданд.
Натиҷаи дастгириҳои Сарвари кишвар ва баргузории чунин вохуриҳо буд, ки шуруъ аз 16 июни соли 2025 парвозҳои мусофиркашонии мустақим миёни фурудгоҳҳои Пекин ва Душанбе оғоз гардида, ҳафтае ду маротиба (рӯзҳои сешанбе ва шанбе) амалӣ карда мешаванд.
Агентии авиатсияи граждании назди Ҳукумати Ҷумҳурии Тоҷикистон дар ҷавоби ғамхориҳо ва дастгириҳои доимии Пешвои муаззами миллат муҳтарам Эмомалӣ Раҳмон пайваста мекушад, ки ҷиҳати рақобатпазир намудани соҳаи авиатсияи граждании кишвар ҳамкориҳоро бо ширкатҳои ҳавопаймоии пешрафтаи ҷаҳон мустаҳкам намуда, шумораи хатсайрҳоро ба дигар минтақаҳон дунё зиёд намояд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
