Тоҷикӣ
Русский
English
Парчами Тоҷикистон рамзи истиқлолияти давлатии Ҷумҳурии Тоҷикистон мебошад, ки 24-уми ноябри соли 1992 қабул ва расман тасдиқ карда шудааст. Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмон дар бораи парчам гуфтаанд: "Рангҳои парчами миллӣ ифодагари роҳи таърихии халқи Тоҷикистон ва баёнгари арзишҳои фарҳанги миллӣ ва сиёсӣ мебошад".
Оре, парчами давлатӣ мояи ифтихори ҳар як шаҳрванди кишвар, ифодагари иттиҳоду сарҷамъи, нангу номус, ватандӯсти ва ҳувияти миллии мардуми фарҳангии мо буда, мақсаду мароми созандаи Тоҷикистонро дар ҷилои рангҳои худ инъикос намудааст.
Ҳамагон ёд дорам, ки дар арафаи 20-умин солгарди Истиқлолияти давлатии Тоҷикистон бо ибтикор ва иқдоми наҷиби Пешвои муаззами миллат муҳтарам Эмомалӣ Раҳмон бузургтарин парчам, ки дар ҷаҳон беназир аст, дар маркази пойтахти азизамон - шаҳри Душанбе ифтитоҳ гардид ва ин парчам бо сутуни дорои баландии 165 метр ба Китоби рекордхои гинес ворид гардид. Майдоне, ки он ҷо Парчами бузургтарини мо ҷойгир аст, "Боғи Парчами миллӣ" номгузори шуд. Дарозии матои парчам 60 метр ва бари он 30 метр буда, рамзи давлатдории мо дар ҷаҳон аст.
Ниёгони мо аз қадимулайём соҳиби парчам буданд, ки он бо номи диравш машҳур буд. Диравши давраи сосониён чор ранг дошт: сурх, сафед, сабз ва зард. Ҳар як ранг рамзи хешро дошт. Паҳлавонони ба номи монанди Рустам, Гударз, Тус, Гев, Сиёвуш ва ғайраҳо диравши хешро доштанд.
Эҳтироми Парчами давлатӣ ва расидан ба қадри он аз ҷумлаи вазифаҳои ифтихори ва қарзи шаҳрвандии аҳли ҷомеаи мо ба ҳисоб меравад ва моро зарур аст, ки ҳисси ифтихор аз парафшонии он дар сиришту фитрати ҳар як шаҳрванди ватандӯсту меҳанпарастӣ кишвар доимо побарҷо бошад.
Имрӯз нафаре, ки худро шаҳрванди Ҷумҳурии Тоҷикистон мешуморад, бояд ифтихор аз миллату давлати аҷдодӣ ва рамзҳои миллии Ватан дошта бошад ва ин муқаддасро чун гавҳараки чашм қадр кунад ва ҳифз намояд.
Дар ин рӯзи таърихи ба ҳамаи шумо ҳамватанони азиз сиҳативу сарбаландӣ ва зиндагии осудаву сарсабзро таманно дорам. Бигузор Парчами мо, дар фазои ободу озоди кишвари азизамон ҳамеша парафшон бошад.
Рӯзи Парчами давлатии Ҷумҳурии Тоҷикистон муборак!
Сафарзода Дилшод Файзалӣ - Директори Агентии авиатсияи граждании назди Ҳукумати Ҷумхурии Тоҷикистон
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
