Маросими табодули санадҳои имзошуда миёни Тоҷикистону Ӯзбекистон 18.04.2024 паз аз анҷоми мулоқоту музокироти сатҳи олии Тоҷикистону Ӯзбекистон дар Қасри миллат маросими табодули санадҳои нави имзошудаи ҳамкорӣ баргузор гардид. Дар маҷмуъ аз рӯи натиҷаҳои вохӯрӣ 28 санад ба имзо расид. Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ба аҳдномаи байни Ҷумҳурии Тоҷикистон ва Ҷумҳурии Ӯзбекистон имзо гузоштанд.
Сипас, дар ҳузури Сарони давлатҳо аз тарафи намояндагони ҳайатҳои расмӣ табодули санадҳои нави имзошуда сурат гирифт. Аз ҷумла лоиҳаи қарори Ҳукумати Ҷумҳурии Тоҷикистон дар хусуси Протокол дар бораи ворид намудани тағйир ба Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон оид ба алоқаи ҳавоӣ ба имзо расид. Ба итминон метавон гуфт, ки санади нави имзошуда заминаи ҳуқуқии самтҳои гуногуни ҳамкориҳои дуҷонибаро ба таври назаррас таҳким мебахшад.
+992 (37) 236-53-34 | INFO@CAA.TJ | Асосӣ | Харитаи сомона | Тамосҳо |