АГЕНТИИ АВИАТСИЯИ ГРАЖДАНИИ НАЗДИ ҲУКУМАТИ ҶУМҲУРИИ ТОҶИКИСТОН

ПОРТАЛИ ЯГОНАИ ДАВЛАТӢ
https://egov.tj/site/aviation-tjk

2025-2030
Солҳои рушди иқтисоди рақамӣ ва инноватсия
Таъмини рушди бонизоми зеҳни сунъӣ, рақамикунонии иқтисодиёти миллӣ ва технологияҳои инноватсионӣ яке аз самтҳои афзалиятноки сиёсати пешгирифтаи давлат буда, дар як муддати кӯтоҳ бо ташаббус ва дастгирии бевоситаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон заминаҳои инфрасохтори иқтисоди рақамӣ ва асосҳои ҳуқуқии соҳа ташкилу тақвият ёфтанд. 

Бо дарки муҳиммияти мавзуъ, дар шароити муосири рушду таҳкими тамоми соҳаҳои ҳаёти ҷомеа ва дар ин ҷода вусъат бахшидан ба раванди рақамикунонии иқтисоди миллӣ ва рушди равандҳои инноватсионии кишвар, бо ибтикори навбатии Президенти Ҷумҳурии Тоҷикистон зимни ироаи паёмашон солҳои 2025-2030 «Солҳои рушди иқтисоди рақамӣ ва инноватсия» эълон гардид.

БА САҲИФАИ ГУРӮҲИ АГЕНТИИ АВИАТСИЯИ ГРАЖДАНИИ НАЗДИ ҲУКУМАТИ ҶУМҲУРИИ ТОҶИКИСТОН ДАР ШАБАКАИ ИҶТИМОИИ «ФЕЙСБУК/FACEBOOK» ВОРИД ШАВЕД!

     Агентии авиатсияи граждании назди Ҳукумати Ҷумҳурии Тоҷикистон маълум менамояд, ки дар ҶСК “Фурудгоҳи байналмилалии Душанбе” барои ишғоли ҷойҳои кории холии зерин озмун эълон карда мешавад:
1. Ба вазифаи нозири муоинаи шуъбаи амнияти дохила ва муоинаи Хадамоти амнияти авиатсионӣ. Талаботи тахассусӣ:
- синну сол – то 40 сола;
- таҳсилоти олӣ;
- хизмат дар сафи Қувваҳои Мусаллаҳи Ҷумҳурии Тоҷикистон (барои мардҳо ҳатмӣ);
- собиқаи кор дар мақомоти қудратӣ;
- ҳолати хуби равонию ҷисмонӣ;
- ахлоқи неку писандида;
- донистани забонҳои хориҷӣ (афзалиятнок).
2. Ба вазифаи нозири бехатарии шуъбаи амнияти дохила ва муоинаи Хадамоти амнияти авиатсионӣ. Талаботи тахассусӣ:
- синну сол – то 40 сола;
- таҳсилоти олӣ;
- хизмат дар сафи Қувваҳои Мусаллаҳи Ҷумҳурии Тоҷикистон (барои мардҳо ҳатмӣ);
- собиқаи кор дар мақомоти қудратӣ;
- ҳолати хуби равонию ҷисмонӣ;
- ахлоқи неку писандида;
- донистани забонҳои хориҷӣ (афзалиятнок).
3. Ба вазифаи корманди Дастаи муҳофизат ва назорати Хадамоти амнияти авиатсионӣ. Талаботи тахассусӣ:
- синну сол – то 40 сола;
- таҳсилоти олӣ, миёна ё миёнаи касбӣ-техникӣ;
- хизмат дар сафи Қувваҳои Мусаллаҳи Ҷумҳурии Тоҷикистон (ҳатмӣ);
- малакаи муомила бо силоҳи оташфишон; 
- собиқаи кор дар мақомоти қудратӣ;
- таҷрибаи кор дар корхонаи реҷавӣ;
- ҳолати хуби равонию ҷисмонӣ;
- ахлоқи неку писандида;
- донистани забони давлатӣ ва русӣ.
     Боиси зикр аст, ки мавриди интихоби довталабон ба занҳо афзалият дода мешавад.
     Хоҳишмандон метавонанд хуҷҷатҳои худро тавассути почтаи электронии Sab@airport.tj ба Хадамоти амнияти авиатсионии фурудгоҳ то 31 июли соли 2025 пешниҳод намоянд.

     Бо мақсади иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати васеъ намудани ҷуғрофияи парвозҳо, рушди соҳаи авиатсияи гражданӣ ба кишвари транзитӣ табдил додани Ҷумҳурии Тоҷикистон, Агентии авиатсияи граждании назди Ҳукумати Ҷумҳурии Тоҷикистон чораҳои зарӯрӣ андешида, шуруъ аз 1 июли соли 2025 парвозҳои мусофиркашонии мустақим дар самти Қошғар – Хуҷанд - Қошғар аз ҷониби Ширкати ҳавопаймоии “CNENGDU Airlines” амалӣ гардид.

     Санаи 26. 06. 2025 дар толори бинои Агентии авиатсияи граждании назди Ҳукумати Ҷумҳурии Тоҷикистон ҷаласа бахшида ба 28  солагии Рӯзи Ваҳдати миллӣ баргузор гардида, дар он директори Агентӣ Назарзода Ҳабибулло баромад намуда, азҷумла қайд намуданд:

Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин зимни мулоқот дар шаҳри Остона, ки имрӯз дар доираи ҳамоиши дуюми «Осиёи Марказӣ-Чин» баргузор шуд, оғози парвозҳои мустақими мусофирбарӣ байни шаҳрҳои Душанбе ва Пекинро рӯйдоди муҳим арзёбӣ намуданд.

Дар шаҳри Душанбе маросими муаррифии нахустин хатсайри ҳавоии «Пекин-Душанбе» баргузор шуд.
Ифтитоҳи хатсайри ҳавоии «Пекин-Душанбе» аз ҷониби ширкати ҳавопаймоии чинии «China Southern Airlines» амалӣ гардида, он омаду рафти мусофиронро дар самти Тоҷикистону Чин соддатар намуд.
Ифтитоҳи хатсайри мазкур ҳамкории тиҷоратию иқтисодиро таҳким бахшида, қадами муҳим дар рушди иртиботи нақлиёти ҳавоӣ байни Тоҷикистону Чин ва дар маҷмуъ минтақаи Осиёи Марказӣ хоҳад буд.

Ҳозирин ва дӯстони гиромӣ,
ҳамкорон ва шарикони арҷманд,
Имрӯз рӯзи таърихӣ ва муҳим барои соҳаи авиатсияи граждании Ҷумҳурии Тоҷикистон ва Ҷумҳурии Мардумии Чин мебошад, яъне ифтитоҳи парвози мустақим байни пойтахтҳои Пекин ва Душанбе. 
Боиси зикр аст, ки бо дастгириҳои Ҳукумати Ҷумҳурии Тоҷикистон, хоссатан Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ҳамкориҳо бо бисёр мамлакатҳои пешрафтаи ҷаҳон вусъати тоза меёбанду ба рушду нумӯи соҳаи авиатсияи граждании кишвар боис мегарданд.
Дар натиҷаи сафари давлатии Раиси Ҷумҳурии Мардумии Чин муҳтарам Си Ҷинпин ба Ҷумҳурии Тоҷикистон моҳи июли соли 2024 аз ҷониби Пешвои муаззами миллат муҳтарам Эмомалӣ Раҳмон оид ба зиёд намудани теъдоди парвозҳо байни пойтахти Тоҷикистону Чин ва кушодани хатсайрҳои нави ҳавоӣ байни дигар шаҳрҳои ду кишвар ба Агентии авиатсияи гражданӣ дастуру супоришҳои мушаххас дода шуда буданд.
Натиҷаи дастгириҳои Сарвари кишвар ва баргузории вохуриҳои дуҷониба буд, ки шуруъ аз 16 июни соли 2025 парвозҳои мусофиркашонии мустақим миёни фурудгоҳҳои Пекин ва Душанбе оғоз гардида, ҳафтае ду маротиба  амалӣ карда мешаванд.
Ин хатсайр на танҳо василаи нақлиётии байни ду давлат аст, балки рамзи таҳкими муносибатҳои дуҷониба, ҳамкории созанда ва эҳтироми мутақобила байни кишварҳои мо мебошад. Мо бовар дорем, ки оғози ин парвоз ба рушди ҳамкории иқтисодӣ, густариши мубодилаи фарҳангӣ ва сайёҳӣ ва ҳамчунин ба рушди сармоягузорӣ мусоидат хоҳад кард.
Тоҷикистон ҳамкории бисёрсолаи судманд бо Чинро баланд арзёбӣ намуда, бовар дорад, ки кушодани ин хатсайрҳо мардум ва фарҳанги ҳарду кишварро бештар ба ҳам мепайвандад ва равобити байналмилалиро боз ҳам тақвият мебахшад.
Аз фурсати муносиб истифода бурда, аз ҳамаи онҳое, ки дар татбиқи ин лоиҳа саҳм гузоштанд — ширкатҳои ҳавопаймоӣ, мақомотҳои авиатсионӣ, дипломатҳо ва мутахассисони соҳаи авиатсияи гражданӣ сипосгузорам.      
Зиндаву поянда бод дӯстии байни мардуми Тоҷикистон ва Чин.
Чи тавре, ки Рӯдакии бузург қайд намудааст:
Ҳеҷ шоди нест андар ин ҷаҳон,
Бартар аз дидори рӯи дӯстон.
Ташаккур барои диққататон!

     Боиси зикр аст, ки  бо дастгириҳои Ҳукумати Ҷумҳурӣ, хоссатан Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон  ҳамкориҳо бо бисёр мамлакатҳои пешрафтаи ҷаҳон вусъати тоза меёбанду ба рушду нумӯи  соҳаи авиатсияи граждании кишвар  боис мегарданд.  

Аз ҷониби мутахассисон ва барномасозони маҳфили «Посдорон ва дӯстдорони забони давлатӣ» барои мусоидат ба рушди иқтисоди рақамӣ таҳия карда шудааст. Маълумоти бештар дар сомонаи Кумитаи забон ва истилоҳот:

http://kumitaizabon.tj/tg/content/barnomai-brauzeri-internetii-rubokhi-c...