Тоҷикӣ
Русский
English
Имрӯз дар Агентии авиатсияи граждании назди Ҳукумати Ҷумхурии Тоҷикистон тибқи супориши Роҳбари Дастгоҳи иҷроияи Президенти Ҷумхурии Тоҷикистон ҷиҳати дархости мулоқоти Сафири Туркия вохӯрӣ доир гардид.
Дар вохӯрии мазкур Директори Агентӣ - Сафарзода Дилшод Файзалӣ, Сафири Ҷумҳурии Туркия дар Душанбе Умут Аҷар, Директори минтақавии Агентии Туркия оид ба ҳамкорӣ ва ҳамоҳангсозӣ дар Тоҷикистон (ТИКА) Иброҳим Этҳем Унал ва намоянда аз Вазорати корҳои хориҷии Ҷумҳурии Тоҷикистон ҳузур доштанд.
Дар оғози вохӯрӣ Директори Агентӣ-Сафарзода Дилшод аз ҳамкориҳо оид ба алоқаи ҳавоӣ миёни ду кишвар ёдовар шуданд. Сафири Туркия қайд намуданд, ки соҳаи авиатсияи гражданӣ яке аз соҳаҳои муҳими ҳамкории байни ду кишвар мебошад ва дар солҳои охир пешравиҳои зиёде дар ин самт ба чашм мерасад.
Ҳамзамон, имзо намудани Ёддошти тафоҳуми нав миёни мақомотҳои авиатсионӣ, зиёд намудани шумораи парвозҳои мусофиркашонӣ, ифтитоҳи парвозҳои боркашонӣ, паст кардани нархи сӯзишворӣ ва хизматрасонии руи замини дар Фурудгоҳи байналмиллалии Душанбе мавриди муҳокима қарор дода шуданд. Бахусус қайд карда шуд, ки парвозҳои боркашонӣ ҷиҳати рушди ҳамкориҳои иқтисодӣ заминаи мусоидро фароҳам меоварад.
Агентии Туркия оид ба ҳамкорӣ ва ҳамоҳангсозӣ дар Тоҷикистон (ТИКА) барои пешрафти соҳаи авиатсияи гражданӣ оид ба масъалаи ҳамкориҳо ба монанди бозомузии мутахассисони соҳа, омӯзиши мутахассисони фурудгоҳҳо, мубодилаи таҷрибаи кишвари Туркия ва расонидани дигар кӯмакҳоро изҳор намуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
