Тоҷикӣ
Русский
English
Санаи 23 июли соли 2024 дар Агентии авиатсияи граждании назди Ҳукумати Ҷумҳурии Тоҷикистон вохурии Директори генералии Агентии авиатсияи граждании Вазорати сохтмон ва нақлиёти Маҷористон Мате Ловингер ва Директори Агентии авиатсияи граждании назди Ҳукумати Ҷумҳурии Тоҷикистон Назарзода Ҳабибулло доир гардид, ки дар он масъалаи рушди ҳамкориҳо дар соҳаи авиатсия, кушодани парвозҳо байни кишварҳо мавриди баррасӣ қарор гирифтанд.
Гуфтушунид дар вазъияти дустона ва самимона баргузор гардида, матни лоиҳаи созишномаро баррасӣ ва мувофиқа намуда, онро парафгузорӣ намуданд. Ҳарду ҷониб ба мувофиқа расиданд, ки пас аз имзои ин Протоколи мувофиқашуда Созишномаи парафшударо муваққатан татбиқ намоянд. Ҳайатҳо мақсади умумии худро дар бобати боз ҳам зиёд намудани иқтидор барои инъикоси талаботи рӯзафзуни парвози ҳавоии Маҷористон ва Ҷумҳурии Тоҷикистон тасдиқ намуданд.
Ҳамчунин, меҳмонон хушнудии худро нисбати меҳмоннавозии мардуми тоҷик, обу ҳаво ва табиати дилфиреби диёрамон иброз намуданд.
Умед бар он мебандем, ки баргузории вохурии имрӯза дар рушду рақобатпазир намудани соҳаи авиатсияи кишвар нақши муҳим мебозад.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
