Тоҷикӣ
Русский
English
Санаи 30 сентябри соли 2024 дар шаҳри Душанбе вохурӣ байни Директори Агентии авиатсияи граждании назди Ҳукумати Ҷумҳурии Тоҷикистон муҳтарам Назарзода Ҳабибулло Темур, Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода ва инчунин, Раиси Идораи генералии авиатсияи граждании Шоҳигарии Арабистони Саудӣ муҳтарам Абдулазиз ибни Абдуллоҳ ал - Дуайлиҷ ва Вазири ҳаҷ ва умраи Шоҳигарӣ муҳтарам Тавфиқ ибни Фавзои ар - Рабиъа, баргузор гардид.
Дар вохурии мазкур оид ба роҳандозии хатсайрҳои мустақими ҳавоии байни ду кишвар ва масъалаҳои вобаста ба ин мавзуъ, инчунин, рушди самти сайёҳӣ ва масъалаҳо оид ба ҳаҷ мубодилаи афкор сурат гирифта, ҷиҳати зиёд намудани хатсайрҳо миёни ду кишвар Протоколи ҳамкориҳо имзо гардид.
Боиси зикр аст, ки санаи 14 июни соли 2010 дар шаҳри Ҷиддаи Арабистони Саудӣ Лоиҳаи Ёддошти тафоҳум оид ба хизматрасонии алоқаи ҳавоӣ ва 3 январи соли 2016 дар шаҳри Риёзи Арабистони Саудӣ Созишнома байни Ҳукумати Ҷумҳурии Тоҷикистон ва Шоҳигарии Арабистони Саудӣ оид ба алоқаи ҳавоӣ ба имзо расида буд.
Умедворем, ки баргузории вохурии зикргардида ҷиҳати рушди соҳаи авиатсияи гражданӣ, самти сайёҳӣ ва масъалаҳои марбут ба ҳаҷҷи миёни ду кишвар нақши муассир хоҳад гузошт.
Аксҳо аз ҳолати баргузории ин вохурӣ.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
